Приоритетна цел на студиската програма по Меѓународен маркетинг менаџмент на Економскиот факултет на втор циклус студии е да обезбеди напредно образование, специјализирани знаења и практични компетенции кои ќе ги подготват магистрите после завршување на вториот циклус за раководни позиции од областа на меѓународниот маркетинг и менаџмент, и кои ќе бидат способни да одговорат на предизвиците на глобалниот пазар. Програмата има за задача да ги развие аналитичките, стратешките и лидерските способности на магистрите, овозможувајќи им ефективно управување со маркетинг активностите во мултикултурна и динамична деловна средина.

Приоритетна задача на студиската програма по Меѓународен маркетинг менаџмент е да обезбеди современо и интердисциплинарно образование кое ги интегрира теоријата и практиката во областа на меѓународниот маркетинг и менаџмент. Преку развој на критичко размислување, истражувачки капацитети и лидерски вештини, магистрите се подготвуваат да можат да создаваат и спроведуваат ефикасни маркетинг стратегии во комплексни и динамични глобални услови.

Вториот циклус студии по Меѓународен маркетинг менаџмент нуди високо специјализирано образование кое ги подготвува магистрите за решавање на комплексни маркетинг предизвици, за креирање и имплементација на современи маркетинг стратегии, превземање на промотивни активности на компаниите за зголемување на препознатливоста на пазарот и учество во процесите на раководење и управување со  институции во земјата и во странство.

Современата економија се карактеризира со брзи промени, глобализација и зголемена конкуренција, што ја зголемува потребата од високообразовани кадри со специјализирани компетенции во областа на меѓународниот маркетинг и менаџмент. Во услови на дигитална трансформација и мултикултурна комуникација, компаниите и организациите бараат професионалци кои не само што ја разбираат теоријата, туку и можат истата да ја применуваат во комплексни меѓународни средини.