Во рамките на планираните активности на Центарот за кариера на Универзитетот за туризам и менаџмент - Скопје, кои се однесуваат на градење извонредни компетенции на студентите, денес 05.10.2017 година, проф. д-р Сашко Граматниковски одржа предавање на тема: Вештини на ефикасен и ефективен презентер. По теоретскиот дел, проф. д-р Александра Стоилковска, реализираше работилница во која студентите изработуваа презентација за воведување на иновација во организацијата и истата ја презентираа. Целта на вежбата беше да се идентификува нивото на техничко знаење за креирање на презентација и нивото на презентерски вештини кај секој студент. Како пример за квалитетно изработена презентација и високо ниво на презентерски вештини своја презентација имаше една од најдобрите студентки на УТМС, Анушка Ратковиќ. На обуката присуствуваа студентите од прва година од Факултетот за менаџмент на човечки ресурси и Факултетот за меѓународен маркетинг менаџмент. Обуката имаше за цел студентите да научат и да се стекнат со вештини за креирање на квалитетна презентација како и примена на стандарди за ефикасно и ефективно презентирање. По завршување на обуката, Кариерниот центар на УТМС, на студентите им додели сертификати за учество.