На Факултетот за меѓународен маркетинг менаџмент на УТМС, согласно утврдената програма и практика, и оваа година на најдобрите студенти за академската 2016/2017 година им беа доделени декански пофалници. Пофалниците се доделуваат во три категории: Summa Cum Laude, Magna Cum Laude и Cum Laude, врз основа на реализираниот успех во текот на годината. На одржаната свечена церемонија од Факултетот за меѓународен маркетинг менаџмент им беа доделени декански пофалници на студентите: Елена Наковска, студент во втора година и Оливер Тодоров студент во прва година на Факултетот за меѓународен маркетинг менаџмент. Двајцата најдобри студенти беа наградени со деканска пофалница Magna Cum Laude.