На 08.10.2016 година во Македонскиот народен театар во Скопје, Универзитетот за туризам и менаџмент - Скопје величенствено го прослави својот Јубилеј, 10 години од дејноста на УТМС. По тој повод се одржа и свечена промоција на осмата генерација дипломирани студенти на прв циклус студии и на шестата генерација магистрирани студенти на втор циклус студии од Факултетот за Меѓународен маркетинг менаџмент. Ректорот на УТМС, проф. д-р Аце Миленковски им ги додели дипломите на дипломците и магистрите, а на најдобрите студенти им додели пригодни подароци.