На 01.10.2019 во преполната сала на Амфитеатарот на Универзитетот за туризам и менаџмент од Скопје, со одржувањето на свечениот час, официјално се означи почетокот на академската 2019-2020 година, за ново запишаните студенти на овој Универзитет. На запишаните студенти срдечно добредојде им посака ректорот на Универзитетот проф. д-р Аце Миленковски.

По завршувањето на свечениот академски час студентите од Факултетот за меѓународен маркетинг менаџмент имаа средба со деканот проф. д-р Далиборка Блажеска. Деканот им ги нагласи клучните задолженија и обврски на новозапишаните студенти и ги додели упатствата за користење на индексите, а воедно им посака и успешна академска година.