Во рамките на програмата за гости-предавачи на Универзитетот за туризам и манаџмент во Скопје на 01.11.2017 година, експертско предавање одржа амбасадорот на Кралството Холандија во Република Македонија, Неговата Екселенција г-дин Ваутер Пломп, кој пред студентите, вработените и учениците од СУГС „Здравко Цветковски“ и СУГС „Никола Карев“ говореше на тема: „Да ја запознаеме Холандија“. Во своето предавање Амбасадорот, посебен акцент даде на туризмот како една од најзначајните индустрии во земјата која има големо економско влијание. Во тој контекст особено беше потенцирано економското влијание на MICE-туризмот на кој Холандија посветува големо внимание преку NBTC (The Netherland Board of Tourism and Conventions) како и фокусот на туристичката индустрија кон одржливоста преку инвестиции во природата и обновливите извори на енергија. Во текот на предавањето дел од студентите и вработените поставија прашања за актуелните трендови во туристичката индустрија.